މޮޅު ކުޅުންތެރިޔާގެ މަގާމު ފޯޑެން، އެންމެ މޮޅު ޒުވާން ކުޅުންތެރިޔަކަށް ޕާރމާ

ޕްރޮފެޝަނަލް ފުޓްބޯލާސް އެސޯސިއޭޝަން (PFA) ގެ ފިރިހެން އެންމެ މޮޅު ކުޅުންތެރިޔާގެ މަޤާމު މެންޗެސްޓާ ސިޓީގެ މިޑްފީލްޑަރު ފިލް ފޯޑެން ހޯދައިފިއެވެ.

ސިޓީން ޖެހިޖެހިގެން ހަތަރު ވަނަ ފަހަރަށް ޕްރިމިއާ ލީގު ކާމިޔާބު ކޮށްފައިވާއިރު، 2023-24 ވަނަ އަހަރުގެ ސީޒަނުގައި ފޮޑެން ވަނީ 35 މެޗުން 19 ގޯލު ޖަހައި 8 އެސިސްޓް ހަދާދީފައެވެ. އުމުރުން 23 އަހަރުގައި ފޮޑެން ވެފައިވަނީ ލީގު ޗެމްޕިއަންކަން 6 ފަހަރަށް ހޯދި އެންމެ ޒުވާން ކުޅުންތެރިޔާއަށެވެ.

އެ އިދާރާއިން ހޮވާ އަހަރުގެ އެންމެ މޮޅު ޒުވާން ކުޅުންތެރިޔާގެ މަގާމު ހޯދީފައިވަނީ ޗެލްސީގެ ފޯވާޑް ކޯލް ޕާރމާއެވެ. އުމުރުން 22 އަހަރުގެ ޕާރމާ ވަނީ ޗެލްސީއަށް ކުޅުނު ފުރަތަމަ ސީޒަނުގައި 34 މެޗުން 22 ގޯލް ކާމިޔާބުކޮށް 11 އެސިސްޓު ހަދާދީފައެވެ.

މިއީ 2009-10 ވަނަ އަހަރުގެ ސީޒަނަށްފަހު ފިރިހެން ދެ އެވޯޑް އިނގިރޭސި ކުޅުންތެރިއަކަށް ލިބުނު ފުރަތަމަ ފަހަރެވެ.