އޮގަސްޓް މަހުގެ ހަތަރު ވަނަ ދުވަހުން ފެށިގެން ކަނޑުއޮށްގިރި ރަސްމީކޮށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އަށް ބަދަލުކޮށްފައިވާކަން ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެއެވެ.
މަސްވެރިކަމުގެ ސިނާއަތް ދެނެގަނެވިފައިވާއިރު، މިހާރު ހުރި ގާނޫނުތަކުގައި ހުރި ތަފާތުތަކުގެ ސަބަބުން ބައެއް ކަންކަން ހައްލު ނުކުރެވިހުރިކަން ފާހަގަ ކުރައްވަމުން މިނިސްޓަރު ވިދާޅުވީ
މިހާރު ދަނީ މަސްވެރިކަމުގެ މުޖުތަމަޢަށް ދިމާވެފައިވާ ގޮންޖެހުންތަކަށް ހައްލު ހޯދުމުގެ މަސައްކަތްތައް ކުރަމުންނެވެ. ޝިޔާމް ފާހަގަކުރެއްވި ގޮތުގައި ބޮޑެތި އިންވެސްޓްމަންޓްތަކެއް ކުރި ނަމަވެސް ކަނޑުއޮށްގިރި ބަނދަރަކީ ދިވެހި މަސްވެރިންނާއި މަސްވެރިކަމުގެ ސިނާއަތުގެ ބޭނުންތައް ފުއްދައިދީފައި ނުވާ ބަނދަރެކެވެ.
Advertisement
ގިނަ ފައިސާއެއް ހަރަދު ކުރެވިފައިވީ ނަމަވެސް މަސްވެރިން އުއްމީދުކުރި ހައްލުތައް ކަނޑުއޮށްގިރިން ފޯރުކޮށް ނުދެވޭކަން ފާހަގަކުރައްވަމުން މިނިސްޓަރު ވިދާޅުވީ އެތަނުގެ ބަނދަރު ހަލާކުވެފައިވާއިރު ކުރީ ސަރުކާރުން އެކަންވެސް އެދެވޭ ގޮތަަކަށް ހައްލުކޮށްދީފައި ނުވާކަމަށެވެ.
ބޮޑެތި މަސް ގަތުމުގެ މުހިއްމު ސަރަހައްދެއް ކަމަށްވާ ކަނޑުއޮށްގިރި އަކީ ޒަމާނުއްސުރެ ވެސް ގެއްލުންތަކެއް ލިބިފައިވާ ސަރަހައްދެކެވެ. ޝިޔާމް ވަނީ މިހާރު އަންނަ ބަދަލުތަކުގެ ސަބަބުން މި މައްސަލަތައް ހައްލުވެ، މި ސަރަހައްދުގެ މަސްވެރިކަމުގެ ސިނާއަތް އާލާކުރުމަށް މަގުފަހިވާނެ ކަމުގެ ޔަގީންކަން ދެއްވާފައެވެ.
