15 ކުޑަ އަންހެން ކުއްޖަކު ގްރޫމްކޮށް، އެކްސްޕްލޮއިޓްކޮށް އެ ކުއްޖާއަށް ޖިންސީ ގޯނާކުރި ކަމުގެ ތުހުމަތުގައި ކުޅުދުއްފުށިން ދެމީހަކު ހައްޔަރުކޮށްފިއެވެ.
ފުލުހުން ބުނީ މި މައްސަލައިގައި ހައްޔަރު ކޮށްފައި ވަނީ އަލީ ހަސަން, ސިލްވަރސްޓަރ/ހދ. ކުޅުދުއްފުށި(44އ) އާއި މުހައްމަދު އިހްސާން, ކަސްތޫރިގެ/ހދ. ކުޅުދުއްފުށި(21އ) އެވެ.
މި ދެމީހުން ހައްޔަރުކޮށްފައި ވަނީ ފެމިލީ އެންޑް ޗައިލްޑް ޕްރޮޓެކްޝަނާއި، ކްރައިމް އިންޓެލިޖެންސް އަދި އަތޮޅު ތެރޭގެ ޕޮލިސް ސްޓޭޝަނެއް ގުޅިގެން ހިންގި އޮޕަރޭޝަނެއްގައެވެ.
Advertisement
ފުލުހުން ބުނީ އަލީ ހަސަން (44އ) ހައްޔަރުކޮށްފައިވަނީ 24 ޑިސެންބަރު 2026ވަނަ ދުވަހުގައި ކަމަށެވެ. އޭނާ ކޯޓަށް ހާޒިރުކުރުމުން 1 މާޗް 2026ވަނަ ދުވަހާއި ހަމައަށް އޭނާ ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.
އަދި މުހައްމަދު އިހްސާން (21އ) ހައްޔަރުކޮށްފައި ވަނީ 3 ފެބުރުއަރީ 2026ވަނަ ދުވަހު އެވެ. އޭނާ ބަންދުގައި ބެހެއްޓުމަށް ކޯޓުން މިހާރު ދީފައިވާ މުއްދަތު ހަމަވާނީ 6 މާޗް 2026ވަނަ ދުވަހަށް ކަމަށް ފުލުހުން ބުންޏެވެ.
ފުލުހުން ބުނީ މި މައްސަލަ އިތުރަށް ތަހުގީގު ކުރަމުން އަންނަ ކަމަށާއި, މިފަދަ އަދަބުތަކުގައި ދެވެން އޮތް އެންމެ ހަރުކަށި އަދަބު ދިނުމަށް ކުރަންޖެހޭ މަސައްކަތްތައް، ކަމާއޖ ގުޅުންހުރި އިދާރާތަކާއި ގުޅިގެން ކުރާނެ ކަމަށެވެ.
