IGMHgai hunna miskithuge thibi bayakah jinsee gunavan dhekki meeheh hayyarukohfi

ޚުލާސާ

ޖިންސީ ގުނަވަން ދައްކައިގެން މީގެ ކުރިންވެސް އޭނާ ވަނީ ހައްޔަރުކޮށްފަ. ކޯޓްގައި އެއްވެސް ވާހަކައެއް އިއްޔެ އޭނާ ނުދައްކާއިރު މުއްދަތު މަޖިލީހުގައި ގާޒީ ވަނީ އޭނާގެ ބަންދަށް 15 ދުވަސް ޖަހާފައި

އައިޖީއެމްއެޗުގައި ހުންނަ މިސްކިތުގެ ތެރޭގައި ތިބި ބަޔަކަށް ޖިންސީ ގުނަވަން ދެއްކި ދިވެހި ފިރިހެނަކު ހައްޔަރުކޮށްފިއެވެ.

މީނާގެ ބަންދާ ބެހޭގޮތުން ގޮތެއް ނިންމަން އިއްޔެއް ކްރިމިނަލް ކޯޓަށް ހާޒިރުކުރުމުން އެ ކޯޓުން ވަނީ އޭނާގެ ބަންދަށް 15 ދުވަސް ޖަހައިދީފައެވެ. އެ ބަންދުގެ އަމުރުގައި ވާގޮތުން އެއީ އުމުރުން 30 އަހަރުގެ ދިވެހި ފިރިހެނެކެވެ.

އަދި އެ ބަންދުގެ އަމުރުގައި ވާ ގޮތުން މީނާއަކީ މިދިޔަ ޖޫން މަހު އިމާދުއްދީން ސްކޫލް ކައިރީގައި ހުރެގެންވެސް އެފަދަ ޢަމަލެއް ހިންގައިގެން ޢާންމުން ރިޕޯޓް ކުރުމުން ފުލުހުން ހައްޔަރުކޮށްފައިވާ މީހެކެވެ.

އިއްޔެ ކޯޓަށް ހާޒިރުކުމުން ދިފާޢޫގައި އެއްވެސް ވާހަކައެއް ނުދައްކާހުރި އެ ޒުވާނާއަކީ ސިކުނޑީގެ އުނިކަމެއް ހުންނަ މީހެއް ކަމަށް މަޢުލޫމާތު ލިބެއެވެ. ނަމަވެސް ސިއްހީ އެއްވެސް ފަރާތަކުން މިކަން ކަށަވަރުކޮށްދީފައިވާ ކަމުގެ އެއްވެސް ކިތާބީ ހެއްކެއް މިހާތަނަށް ކޯޓަށް ހުށަހަޅާފައެއް ނެތެވެ. އޭނައަކީ މީގެ ކުރިންވެސް ބަންދުގެ ރިކޯޑް އޮތް ފަރާތެކެވެ.

މިސްކިތުގައި ތިބި ބަޔަކަށް ޖިންސީ ގުނަވަން ދެއްކި މީހެއް ހައްޔަރުކޮށްފި

0 ރިއެކްޝަންސް / 0 ކޮމެންޓް