ހއ. ވަނގާރުގެ ހުޅަނގުން 39 ނޯޓިކަލް މޭލު ބޭރުން ސްރީލަންކާގެ މަސްބޯޓެއް އޮޔާ ދާ ކަމުގެ މައުލޫމާތު އެމް.އެން.ޑީ.އެފް ކޯސްޓު ގާޑަށް ލިބިފައިވާތީ، ކަނޑު ދަތުރުކުރާ ފަރާތްތަކުން ސަމާލުވުމަށް އެމް.އެން.ޑީ.އެފް އިން އިލްތިމާސްކޮށްފިއެވެ.
މި ބޯޓަކީ އިންޖީނު މައްސަލައެއް ޖެހިގެން އޭގެ ފަޅުވެރިން ދޫކޮށްލާފައިވާ މަސްބޯޓެއް ކަމަށާއި، ހުޅަނގުގެ މޫސުމުގެ ގަދަ ދުވަސްވަރަކަށް ވެފައި ވައި ޖެހެނީ ހުޅަނގާއި ހުޅަނގު އުތުރުން ކަމަށްވާތީ، މި ބޯޓު އޮޔާއެކު ދިވެހިރާއްޖެއަށް ކައިރިވާނެކަމަށް ލަފާކުރެވޭ ކަމަށްވެސް އެމްއެންޑީއެފް އިން ވަނީ ބުނެފައެވެ.
އަދި މި ސަރަހައްދުން ދަތުރުކުރާ ފަރާތްތަކުން މިކަމަށް ސަމާލުކަން ދިނުމަށާއި ރޭގަނޑު މި ސަރަހައްދުން ދަތުރުކުރައްވާ ފަރާތްތަކުން ދަތުރު ކުރެއްވުމުގައި ހާއްސަ ސަމާލުކަމެއް ދެއްވުމަށް އެމްއެންޑީއެފްއިން ވަނީ އިލްތިމާސްކޮށްފައެވެ.
Advertisement
މިހާރު ކުރަމުން އަންނަ ވިއްސާރައާއި ގުޅިގެން ކަނޑު ދަތުރުކުރައްވާ ފަރާތްތަކުން އިތުރަށް ސަމާލުކަން ދިނުމަށް މެޓު އޮފީހުން ވަނީ އިލްތިމާސްކޮށްފައެވެ.
