ބޮލީވުޑްގެ އެންމެ ފަހުގެ ބްލޮކްބަސްޓަރ ފިލްމު "ސްތުރީ 2" އަށް ހީނުކުރާވަރުގެ ބޮޑު އާމްދަނީއެއް ލިބެމުންދާކަން ފާހަގަކުރެވެއެވެ. މި ފިލްމަކީ 2018 ވަނަ އަހަރު ނެރުނު "ސްތުރީ" ގެ ދެވަނަ ބައި ކަމުގައިވާއިރު، ފުރަތަމަ ބަޔަށްވެސް ވަރަށް ބޮޑު ތަރުހީބެއް ލިބިފައިވެއެވެ.

"ސްތުރީ 2" ފިލްމު ދައްކަން ފެށި ފުރަތަމަ ފަސް ދުވަހުގެ ތެރޭގައި ރެކޯޑު އަދަދެއްގެ އާމްދަނީ ހޯދާފައިވާކަން ފާހަގަކުރެވެއެވެ. ފިލްމު ދައްކަން ފެށި ފުރަތަމަ ދުވަހު އެކަނި 51 ކްރޯޑް ރުޕީސް (6 މިލިއަން ޑޮލަރު) ލިބިފައިވާއިރު، ފުރަތަމަ ތިން ދުވަހުގެ ތެރޭގައި 135 ކްރޯޑް ރުޕީސް (16 މިލިއަން ޑޮލަރު) ލިބިފައިވެއެވެ. މި ހިސާބުތަކަށް ބަލާއިރު، ފިލްމު ދައްކަން ފަށާތާ އެއް މަސްދުވަހުގެ ތެރޭގައި 300 ކްރޯޑް ރުޕީސް (30 މިލިއަން ޑޮލަރު) ލިބޭނެކަމަށް ލަފާކުރެވެއެވެ. 

ފިލްމުގެ މައިގަނޑު ދައުރުތައް އަދާކުރަނީ ބޮލީވުޑްގެ މަޝްހޫރު ތަރިން ކަމުގައިވާ ޝްރައްދާ ކަޕޫރު އާއި ރާޖްކުމާރް ރާއޯ އެވެ. މި ދެ ތަރިންގެ ފަންނުވެރި އެކްޓިންގ އާއި ފިލްމުގެ ސްޓޯރީއަށް ވަރަށް ގިނަ ބައެއްގެ ތަޢުރީފު ލިބިފައިވެއެވެ. "ސްތުރީ 2" އަކީ ބޮލީވުޑްގެ ތާރީޚުގައި އެންމެ ބޮޑު އާމްދަނީއެއް ހޯދާ ފިލްމުތަކުގެ ތެރެއިން އެއް ފިލްމަށް ވުމަކީ އެކަށީގެންވާ ކަމެކެއްކަން ބޮލީވުޑްގެ ޓްރޭޑް އެނަލިސްޓުން ލަފާކުރެއެވެ. 

"ސްތުރީ 2" އަށް މިހާ ބޮޑު އާމްދަނީއެއް ލިބުމުގެ އެއް ސަބަބަކީ ފިލްމަށް ލިބެމުންދާ ރަނގަޅު ކޮމެންޓްސްތަކެވެ. ގިނަ ބެލުންތެރިން ފާހަގަކޮށްފައިވާ ގޮތުގައި ފިލްމުގެ ވާހަކައާއި، އެކްޓިންގ އަދި ޓެކްނިކަލް ކަންކަން ވަރަށް ފުރިހަމައެވެ. މީގެ އިތުރުން، މި ފިލްމުގެ ފުރަތަމަ ބައިގެ ކާމިޔާބީ އާއި މަޝްހޫރުކަމުގެ ސަބަބުން ވެސް ދެވަނަ ބަޔަށް މިހާ ބޮޑު ތަރުހީބެއް ލިބެމުންދާކަން ފާހަގަކުރެވެއެވެ.