ޖަނަވާރުތަކަށް ކުރާ އަނިޔާވެރި އަނިޔާވެރި އަމަލުތައް ހައްލުކުރުމަށް ކުރިއަށް ގެންދާ މަސައްކަތް އިތުރަށް ވަރުގަދަ ކޮށްފި ކަމަށް ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ބުނެފިއެވެ.
ޚުލާސާއަށް ދެއްވި ބަސްދީގަތުމެއްގައި ޑެޕިއުޓީ މިނިސްޓަރު ފާތުމަތު ޒުހުރާ ވިދާޅުވީ ، ޖަނަވާރުތަކަށް ރައްކާތެރިކަން ފޯރުކޮށްދޭ ޖަމިއްޔާތަކާއި އެންޖީއޯތަކާ ގުޅިގެން ކުރާ މަސައްކަތްތައް އިތުރަށް ވަރުގަދަކުރުމުގެ ގޮތުން ހަދާފައިވާ ޕާޓްނަޝިޕްތަކުގެ މަގުސަދަކީ މުޅި ރާއްޖޭގައި ޖަނަވާރުތަކަށް އަނިޔާކުރުމުގެ މައްސަލަތައް އިތުރުވަމުންދާތީ އެ މައްސަލަތަކާ ދެކޮޅަށް މަސައްކަތްކުރުމެވެ.
ބުޅާ ހިފާ ބުޅަލުގެ މަހުން ކާ ތަކެތި ހެދި މީހަކު މިއަދު އިމިގްރޭޝަން އިންޓެލިޖެންސަށް ލިބުން މައުލޫމާތާކާއި ގުޅިގެން ޕޮލިސް ގެ އެހީތެރިކަމާއެކު ހައްޔަރުކުރިއިރު، އެމީހާ ހައްޔަރުކުރުމަށް ފުލުހުންނަށާއި އިމިގްރޭޝަނަށް އެންގީވެސް ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން އިއްޔެ ހެނދުނު އެވެ.
Advertisement
މިނިސްތްރީން ބުނީ މިފަދަ އަނިޔާވެރި އަމަލުތަކާއި ދެކޮޅަށް މަސައްކަތް ކުރުމަށް އެހީތެރިވުމަށް ޖަނަވާރުތަކުގެ ރައްކާތެރިކަމުގެ ޖަމިއްޔާތަކާއި އެންޖިއޯތައް ގުޅިގެން ކުރެވެން ހުރި މަސައްކަތްތައް ދެނެގަނެ، މިނިސްޓްރީއިން މިވަގުތު ކުރެވެން ހުރިކަންތައްތައް ކުރަމުން އަންނަކަމަށެވެ.
އަދި އެކި ފަރާތް ތަކުން ހުށަހަޅާ ކަންތައްތަކުގެ ހައްލުހޯދުމަށް އެކި ޕްރޮގްރާމްތައް ރާވާމުން ގެންދާ ކަމަށާއި، މިނިސްޓްރީއަށް އެ މައްސަލަތައް އަންނަ ހިސާބުން އެ މައްސަލަ ކަމާއި ބެހޭ އިދާރާތަކަށް ރިޕޯޓްކުރުމަށްފަހު، މައްސަލަތަށް ގާތުން ބަލަމުން ގެންދާ ކަމަށްވެސް މިނިސްޓްރީއިން މައުލޫމާތު ދިނެވެ.
ހައްޔަރުކުރި ބިދޭސީ މީހާގެ ކޭސްއަށް އަލިއަޅުވާލައްވަމުން ޑެޕިއުޓީ މިނިސްޓަރު ޒުހުރާ ވިދާޅުވީ ، "އަޅުގަނޑުމެންނަކަށް އެކަމުގެ ހަގީގަތެއް ނޭނގޭ އަދި އެފަދަ ސާބިތު ކުރެވޭ ހެއްކެއްވެސް ފެނިފައެއް ނެތް. އެހެންނަމަވެސް އިއްޔެ ހެނދުނު އެކަހަލަ ޕޯސްޓެއް ސޯޝަލްމީޑިއާއިން ފެނިގެން މިނިސްޓަރު ވާނީ ވަގުތުން އެކްޝަން ނަންގަވައި ވަގުތުން އެމީހާ ހައްޔަރު ކުރުމަށް ތަންފީޒީ އިދާރާތަކަށް އަންގަން ވިދާޅުވެފައި. އެހިސާބުން އަޅުގަނޑުމެންގެ ޓީމުން ވަނީ ކަމާބެހޭ ފަރާތްތަކަށް އެކަން އަންގައި ފިޔަވަޅު އަޅާފައި. އޭނާ ބުޅާ ޒަބަހަކޮށް އޭގެ މަސް ނުވިއްކި ކަމގައިވިޔަސް އެކަހަލަ ތުހުމަތެއް ބަޔަކު ކުރީމާ އެބަޖެހޭ އެކަން ބަލައި ފިޔަވަޅު އެޅުމަށްޓަކައި އޭނާ ހައްޔަރުކުރަން. އެއީ އެންމެންގެ ސަލާމަތަކަށް"
ރައްޔިތުންގެ ސަލާމަތާ ރައްކާތެރިކަން ކަށަވަރު ކުރުމަށްޓަކާ މިފަދަ ކޮންމެ މައްސަލައެއްވެސް މިނިސްޓްރީއިން ވަރަށް ގާތުން ބަލަމުން ގެންދާކަމަށްވެސް މިނިސްޓްރީން ބުންޏެވެ.
މިނިސްޓްރީގެ މެންޑޭޓުގެ ދަށަށް ގެނައި ޖަނަވާރުތަކުގެ ސިއްހަތާ ގުޅޭ މަސައްކަތް ފަށާފައި ވަނީ މިސަރުކާރުގައެވެ. އަދި މީގެ ކުރިން މިކަހަލަ ކަމެއް އެއްވެސް ސަރުކާރަކުން ކޮށްފައެއްނުވެއެވެ.
މިނިސްޓްރީގެ އޮފިޝަލުން ވަނީ އެތައް ފަރާތަކުން ފާޅުކުރާ ކަންބޮޑުވުންތަކަށް ރައްދުދީ ތަފާތު ޕްރޮގްރާމްތައް އެކުލަވާލަމުންދާ ކަމަށް ވިދާޅުވެފައެވެ. މިނިސްޓްރީއާ ހަމައަށް ފޯރާ ކޮންމެ މައްސަލައެއް ކަމާބެހޭ ފަރާތްތަކަށް ރިޕޯޓްކޮށް، ފޮލޯއަޕް ފިޔަވަޅުތައް އަވަހަށް އަޅައެވެ. ޖަނަވާރުތަކުގެ ސިއްހަތު ރަނގަޅު ކުރުމަށް ވެސް ސަރުކާރުން ބޮޑެތި ފިޔަވަޅުތަކެއް އަޅާފައިވާއިރު، މި ޕޯޓްފޯލިއޯ މިހާރު ވަނީ މިނިސްޓްރީގެ ރަސްމީ މެންޑޭޓުގެ ތެރޭގައި ހިމަނާފައެވެ.
މި އިސްނެގުމަކީ ޖަނަވާރުތަކަށް ރައްކާތެރި މާހައުލެއް ގާއިމްކޮށް، ޖަނަވާރުތަކުގެ ހައްގުތައް ކުރިއެރުވުމަށް އެންޖީއޯތަކާ އެކު ޕާޓްނަޝިޕްތައް ހަރުދަނާ ކުރުމަށް ސަރުކާރުން ކުރާ މަސައްކަތެވެ.
