ބިދޭސީ މަސައްކަތްތެރިން ރާއްޖެ ގެނައުމާ ގުޅިގެން ފީ ބޮޑުކުރުމުގެ އެއްވެސް ޕްލޭނެއް ސަރުކާރުން ނެތް ކަމަށް އެތެރޭގެ ސެކިއުރިޓީ އެންޑް ޓެކްނިކަލް އެފެއާޒް ކަންތަކާއި ޙަވާލުވެހުރި މިނިސްޓަރު އަލީ އިހުސާން ވަޒީފާދޭ ފަރާތްތަކަށް ޔަގީންކަން ދެއްވައިފި އެވެ.
އެމަނިކުފާނު މިހެން ވިދާޅުވެފައިވަނީ މިނިސްޓަރާއި ރާއްޖޭގައި ބިދޭސީން ވަޒީފާއަށް ނެގޭ ވަޒީފާދޭ ފަރާތްތަކާ ދެމެދު މިއަދު ބޭއްވި ބައްދަލުވުމެއްގެ ތެރެއިންނެވެ.
މިނިސްޓަރު އިހުސާން ސާފުކޮށްދެއްވި ގޮތުގައި ވޯކް ޕާމިޓާއި ބޭރުގެ ކޯޓާ ފީއަށް ބަދަލު ގެނައުމުގެ ފުރުސަތު ދާދި ފަހުން ގާނޫނީ ބަދަލުތަކެއް ގެނައި ނަމަވެސް މިހާރު ހުރި ފީ ބޮޑުކުރަން ސަރުކާރުން ގަސްތު ނުކުރާ ކަމަށެވެ. "ކޯޓާ ފީ އާއި ވޯކް ވިސާ ފީ ހިމެނޭ ގޮތަށް މިހާރު ހުރި ފީތައް ބޮޑު ކުރުމުގެ ވިސްނުމެއް ސަރުކާރުން ނެތް،" ހަރަދު ބޮޑުވެދާނެތީ ކަންބޮޑުވާ ވަޒީފާދޭ ފަރާތްތަކަށް ޔަގީންކަން ދެއްވަމުން މިނިސްޓަރު ފާހަގަކުރެއްވި އެވެ.
Advertisement
މީގެ އިތުރުން މިނިސްޓްރީން ވަނީ ނުދައްކާ ހުރި ފީއާއި ޖޫރިމަނާ އެއް ލައްކަ ރުފިޔާއަށްވުރެ އިތުރުވެފައިވާ ކުންފުނިތަކާއި ފަރުދުންގެ ލިސްޓެއް ވެސް އާންމުކޮށް، މި ފައިސާ މި މަސް ނިމޭއިރު ހަމަޖެއްސުމަށް އިލްތިމާސްކޮށްފަ އެވެ. ބައެއް ކުންފުނިތަކަށް އެތައް މިލިއަން ރުފިޔާއެއް ދައްކަން ޖެހޭ ކަމަށް ރިޕޯޓްތައް ބުނާއިރު، ފައިސާ ދެއްކުމުގެ އިންތިޒާމުތަކުގައި ވެސް އެ މިނިސްޓްރީން ދަނީ ލުއި ގޮތްތަކެއް ހުށަހަޅަމުންނެވެ. މިނިސްޓަރު އިހުސާން ފާހަގަކުރެއްވި ގޮތުގައި ބޮޑެތި ފީތައް ނުދައްކާ ކުންފުނިތަކަށް 12 މަސް ދުވަހުގެ ތެރޭގައި ދައްކަންޖެހޭ ފައިސާ ދެއްކުމަށް އިޚްތިޔާރު ކުރެވިދާނެ އެވެ.
މީގެ އިތުރުން ރާއްޖޭގައި ގަވާއިދާ ހިލާފަށް ބިދޭސީ މަސައްކަތްތެރިންގެ މައްސަލަ ހައްލުކުރުމަށްޓަކައި ބިދޭސީ މަސައްކަތްތެރިން ދިވެހި ގާނޫނުތަކާއި ގަވާއިދުތަކަށް ތަބާވާކަން ކަށަވަރުކުރުމުގެ މުހިންމުކަން މިނިސްޓަރު އަލިއަޅުއްވާލެއްވި އެވެ.
ވަޒީފާއާ ބެހޭ ގާނޫނަށް ދާދި ފަހުން ގެނައި އިސްލާހުގައި ކޮންމެ ތިން އަހަރަކުން ވޯކްޕާމިޓާއި ބޭރުގެ ކޯޓާ ފީ ބޮޑުކުރުމުގެ ބާރު ކަމާބެހޭ ފަރާތްތަކަށް ލިބިފައިވާއިރު، މި މުއްދަތުގައި ވަޒީފާދޭ ފަރާތްތަކަށް ހަމަޖެހުމަށް އިސްކަންދީ، މިފަދަ އިތުރުކުރުންތައް ތަންފީޒު ކުރުމުގެ މިހާރުގެ ޕްލޭނެއް ސަރުކާރުން ނެތް ކަމުގެ ޔަގީންކަން މިނިސްޓަރު އިހުސާން ދެއްވި އެވެ.
