އާބަން ޑިވެލޮޕްމަންޓް ބިލާ ގުޅޭ ބަހުސް ރައްޔިތުންގެ މަޖިލީހުން މިއަދު ފެށިއިރު، މިއީ ރާއްޖޭގައި ސްޓްރަކްޗަރޑް އާބަން ޕްލޭނިންގ އަށް އެޅިފައިވާ މުހިންމު ފިޔަވަޅެކެވެ.
ސަރުކާރުގެ ފަރާތުން ވިލިގިލި ދާއިރާގެ މަޖިލިސް މެމްބަރު އާޒިމް އަބްދުލް އަޒީޒު ހުށަހެޅުއްވި މި ބިލުގެ މަޤްޞަދަކީ އާބާދީ ބޮޑު ސަރަޙައްދުތައް ކަނޑައެޅުމާއި، ތަރައްޤީކުރުމާއި، ބެލެހެއްޓުމުގެ އަސާސީ މިންގަނޑުތައް ކަނޑައެޅުމެވެ. މެމްބަރު އާޒިމް ވަނީ ނިޒާމީ އާބަން ޑިވެލޮޕްމަންޓެއްގެ ބާރު ބޭނުންވި ނަމަވެސް، ކުރީގެ އެއްވެސް ސަރުކާރަކުން އެފަދަ ގާނޫނެއް ތައާރަފްކޮށްފައި ނުވާކަން ފާހަގަކުރައްވައި، މި ގާނޫނުގެ މުހިންމުކަމަށް އަލިއަޅުވާލައްވާފައެވެ.
ބިލުގައިވާ ގޮތުން، ކެބިނެޓްގެ ލަފާގެ މަތިން ރައީސުލްޖުމްހޫރިއްޔާ ކަނޑައަޅުއްވާނީ އާބަން އޭރިއާތަކުގެ ގައުމީ ސިޔާސަތު ކަމަށާއި އެ ސިޔާސަތު ތަންފީޒު ކުރައްވާނީ ޒިންމާދާރު ވަޒީރެވެ. އަދި އޭރިއާ ޑިވެލޮޕްމަންޓް މާސްޓާ ޕްލޭން ތައްޔާރުކުރުމާއި ޑިވެލޮޕްމަންޓް ޕާމިޓް ދޫކުރުމުގެ މަސައްކަތް ބަލަހައްޓާނެ އާބަން ޑިވެލޮޕްމަންޓް އޮތޯރިޓީއެއް އުފެއްދުމަށް ވެސް ބިލުގައި ހުށަހަޅާފައިވެ އެވެ.
