އަމާޒަކީ ދިރާސާއަށް ބިނާކޮށް ނިންމުންތައް ނިންމުމުގެ ސަގާފަތެއް އާލާކުރުން ކަމަށް ރައީސުްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ދިރާސާތަކަށް ޚާއްސަކޮށްގެން ރާއްޖޭގައި ކުރިއަށްގެންދާ ބައިނަލްއަޤްވާމީ އެންމެ ބޮޑު ކޮންފަރެންސް "ތެވެލި"ގެ 7ވަނަ ކޮންފަރެންސް ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސްގެ ޝައުގުވެރި ވާހަކަފުޅުގައި، ޤައުމީ ތަރައްޤީއާއި ސިޔާސަތު ކަނޑައެޅުމުގައި ދިރާސާގެ މުހިންމުކަން ބަޔާން ކުރެއްވިއެވެ. އަދި "އޭގައި ހިފުމަށް" ރައީސުްޖުމްހޫރިއްޔާ ޑރ.މުހައްމަދު މުއިއްޒު ވަކާލާތުކުރެއްވިއެވެ.
Advertisement
ރައީސް ފާހަގަކުރެއްވި ގޮތުގައި ދިރާސާއަކީ ހަމައެކަނި ޢިލްމު އެއްކުރުމެއް ނޫނެވެ. އެއީ މުޖުތަމަޢާއި އިޤްތިޞާދީ ކުރިއެރުމުގައި ވެސް ކޮންމެހެން ބޭނުންތެރި އެއްޗެއް ކަމަށް އެމަނިކުފާނު ހަނދާންކޮށްދެއްވިއެވެ.
ރައީސުލްޖުމްހޫރިއްޔާ އަލިއަޅުއްވާލެއްވީ، ފައިދާހުރި އާންމު ސިޔާސަތުތައް ބިނާވެފައި އޮންނަން ޖެހޭނީ ތަޖުރިބާގެ ހެކިތަކުގެ މައްޗަށް ކަމަށާއި، އެކަން ދިރާސާތަކުން ލިބޭ ކަމަށެވެ. މިކަމަށްޓަކައި ސަރުކާރުން ދަނީ ސިޔާސަތު ކަނޑައެޅުމުގެ މަރުހަލާގައި ދިރާސާތައް އިންޓަގްރޭޓް ކުރުން ހަރުދަނާ ކުރުމުގެ އުސޫލުތައް ތަންފީޒު ކުރަމުން ކަމަށްވެސް ވިދާޅުވިއެވެ.
އެމަނިކުފާނު ވިދާޅުވީ މުޖުތަމައުގައި މިހާރުހުރި ގޮންޖެހުންތަކާ ކުރިމަތިލުމާއި ތަރައްގީގެ މޮޑެލްތަކުގައިވެސް ދިރާސާގެ އަލީގައި ގޮތްތައް ނިންމޭނެ ކަމަށެވެ.
