ސްޕެނިޝް ލަލީގާގައި މިރޭ މަޔޯކާ އަދި ރިއަލް މެޑްރިޑް ވާދަކުރި މެޗު އެއްވަރުވެ ނިމިއްޖެއެވެ.
މަޔޯކާގެ އަމިއްލަ ދަޑުގައި ކުޅުނު މި މެޗް 1-1 ގެ ނަތިޖާއިން އެއްވަރުވިއިރު، ދެ ޓީމުގެ ފަރާތުން ވެސް ރަނގަޅު ކުޅުމެއް ވަނީ ފެނިފައެވެ.
ފުރަތަމަ ހާފުގެ 13 ވަަނަ މިނެޓުގައި ބްރެޒިލްގެ ޒުވާން ތަރި ރޮޑްރިގޯ މެޑްރިޑަށް ގޯލު ޖަހައި ލީޑު ނަގައިދިން ނަމަވެސް މެޗުގެ 53 ވަނަ މިނެޓުގައި ޑެނީ ރޮޑްރިގޭޒް ނަގައިދިން ކޯނަރެއް ބޮލުން ފޮނުވާލައިގެން ފޯވާޑް ވިޑާތް މުރިގީ ވަނީ ނަތީޖާ ހަމަހަމަ ކޮށްފައެވެ. މަޔޯކާއަށް ވަނީ މި މެޗުގައި ލީޑު ނަގަން ގިނަ ފުރުސަތުތަކެއް ލިބި ބޭކާރުވެފައެވެ.
Advertisement
މެޗުގެ 97 ވަނަ މިނެޓުގައި ރިއަލް މެޑްރިޑްގެ ޑިފެންޑަރު މެންޑީ ކުރި ފައުލަކާއި ގުޅިގެން އޭނާއަށް ވަނީ ސީދާ ރަތް ކާޑެއް ދައްކައި ދަނޑުން ފޮނުވާލާފައެވެ.
މިއީ ޒުވާން ފޯވާޑު ކިލިއަން އެމްބާޕޭ ރިއާލަށް ކުޅުނު ދެވަނަ މެޗުކަން ފާހަގަކޮށްލެވެއެވެ. ފުރަތަމަ މެޗުގައި ނިމިދިޔަ ހަފްތާގައި އެޓަލާންޓާއާ ދެކޮޅަށް ނިކުމެ އޭނަ ވަނީ ގޯލެއް ޖަހައި، ޔޫރަޕިއަން ސުޕަރ ކަޕް އެ ޓީމަށް ކާމިޔާބުކޮށްދިނުމުގައި އެހީވެފައެވެ.
