ޗެލްސީ ބަލިކޮށް، ޗެމްޕިއަން މެންޗެސްޓަރ ސިޓީ ފެށީ މޮޅަކުން

އިނގިރޭސީ ޕްރިމަރ ލީގުގައި މިރޭ ޗެލްސީއާ މެންޗެސްޓަރ ސިޓީ ވާދަކުރި މެޗް ސިޓީއިން ކާމިޔާބު ކޮށްފިއެވެ.

ސްޓެމްފޮރޑް ބުރިޖުގައި ކުޅުނު މި މެޗު ސިޓީން ކާމިޔާބު ކޮށްފައިވަނީ 2-0 ގެ ނަތީޖާއިންނެވެ. މެޗު ފަށައިގެން ސިޓީން ވަނީ ރަގަނޅު ކުޅުމެއް ކުޅެ ލީޑު ނަގާފައެވެ. މެޗުގެ 18 ވަނަ މިނެޓުގައި މި ލަނޑު އެ ޓީމަށް ކާމިޔާބުކޮށްދިނީ ނޯވޭގެ ތަރި އާރލިން ހާލަންޑެވެ. ސިޓީގެ ދެވަނަ ލަނޑު ފަހު ހާފްގެ 84 ވަނަ މިނެޓުގައި ކާމިޔާބުކޮށްދީފައިވަނީ މިޑްފީލްޑަރ މަޓިއޯ ކޮވަސިޗެވެ.

މި މޮޅާއެކު ސިޓީން ވަނީ އެ ޓީމު އެންމެ ފަހުން ޗެލްސީއާ ދެކޮޅަށް ކުޅުނު ދިހަ މެޗުން ބަލި ނުވެ ހިފަހައްޓާފައެވެ.

ޕްރިމިއަރ ލީގުގައި މިރޭ ބްރެންޓްފޯޑް އަދި ކްރިސްޓަލް ޕެލެސް ބައްދަލު ކުރި މެޗު ބްރެންޓްފޯޑުން ވަނީ 2-1 ގެ ނަތީޖާއިން ކާމިޔާބުކޮށްފައެވެ.

ޕްރިމިއަރ ލީގުގެ މި ހަފްތާގެ ފަހު މެޗު މާދަމާ ރޭ 00:00 ގައި ވާދަ ކުރާނީ ލެސްޓާ ސިޓީއާއި ޓޮޓެންހަމެވެ.