ރާއްޖެއަށް މިިހާރު ކުރަމުންދާ ވިއްސާރައާއި ގުޅިގެން މިރޭވެސް މޫސުން ރަނގަޅު ނުވާނެ ކަމަށާއި އުދަ އަރާފާނެ ކަމަށް ލަފާ ކުރެވޭ ކަމަށް ރާއްޖޭގެ މޫސުމާއި ބެހޭ ޤައުމީ އިދާރާ (މެޓު އޮފީހުން) ބުނެފިއެވެ.
މެޓުން ބުނީ މިރޭވެސް ގުގުރުމާއެކު އެކި ހިސާބުތަކަށް ވިއްސާރައިގެ އަސަރު ފޯރާނެކަމަށެވެ. އަދި ބައެއް ރަށް ތަކަށް ބޯކޮށް ވާރޭވެހުން އެކަށީގެން ވާކަމަށް މެޓު އޮފީހުން ވަނީ ބުނެފައެވެ.
މޫސުމާ ބެހޭ އިދާރާއިން ލަފާކޮށްފައިވާ ގޮތުގައި ދެކުނާއި މެދުރާއްޖެ ތެރޭގެ އަތޮޅުތަކުގެ ކަނޑުތައް ގަދަވާނެއެވެ. އަދި ދެކުނުގެ އަތޮޅުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެކަމަށް ލަފާކޮށްފައިވެއެވެ.
Advertisement
މިހާރު ކުރަމުން އަންނަ ވިއްސާރައާއި ގުޅިގެން ގެއްލުން ވާ ފަރާތްތަކަށް އެހީ ފޯރު ކޮށްދޭނެމަށް ރައީސުލް ޖުމްހޫރިއްޔާ ވަނީ ވިދާޅުވެފައެވެ.
