މަސްތުވާތަކެއްޗާއެކު ކ. ކާށިދޫ މިސްކިތުގެ މުދިމު ރޭގެ ވަގުތެއްގައި ހައްޔަރުކޮށްފިއެވެ.
މައުލޫމާތު ލިބޭ ގޮތުގައި އޭނާ ހައްޔަރުކޮށްފައިވަނީ ބަލާ ފާސްކުރުމުގެ ތެރޭގައި އޭނާގެ އަތުން މަސްތުވާތަކެތި ފެނިގެންނެވެ. މި މައްސަލާގައި ކ. ކާށިދޫ މެޖިސްޓްރޭޓް ކޯޓުން ވަނީ އޭނާގެ ބަންދަށް 15 ދުވަސް ޖަހާފައެވެ.
އޭނާއަކީ މީގެ ކުރިންވެސް މަސްތުވާތަކެތީގެ މައްސަލައެއްގައި ހައްޔަރުކުރެވިފައިވާ މީހެކެވެ. އެ މައްސަލައާ ގުޅިގެން އޭރު އޭނަ ވަނީ މަގާމުން ވަކިކޮށްފައެވެ. ނަމަވެސް ވަޒީފާއިން ވަކިކުރި މައްސަލަ ޓްރިބިއުނަލްއަށް ހުށަހަޅާ އެ މައްސަލަ ކާމިޔާބު ކުރުމައްފަހު ވަޒީފާ އަލުން އަބުރާ އޭނަ ވަނީ އިޔާދަކޮށްފައެވެ.
Advertisement
މަސްތުވާތަކެތީގެ މައްސަލަތައް ރާއްޖޭގައި މިހާރު ދަނީ ވަރަށް ބޮޑަށް ފެންމަތި ވަމުންނެވެ. މިދިޔަ ހުކުރު ދުވަހު ލ. ގަމުން ވަނީ މިފަދަ މައްސަލައެއްގައި 2 މީހަކު ހައްޔަރުކޮށްފައެވެ.
