ސްޕެނިޝް ލަލީގާގައި ރޭ ބާސެލޯނާ އަދި ވެލެންސިއާ ބައްދަލުކުރި މެޗު 2-1 ނަތީޖާއިން ބާސެލޯނާއިން ކާމިޔާބުކޮއްފިއެވެ.
ވެލެންސިއާގެ ދަނޑުގައި ކުޅުނު މި މެޗުގެ ފުރަތަމަ ގޯލު 44 ވަނަ މިނެޓުގައި ވެލެންސިއާއަށް ޖަހައިދިނީ ފޯވާޑް ހިއުގޯ ޑުރޯ އެވެ. މި ލަނޑާއެކު ބާސެލޯނާއިން ކުޅުން ރަނގަޅުކޮށް ފުރަތަމަ ހާފްގެ އިތުރު ވަގުތުގައި ލަޑެއް ޖަހައި ނަތީޖާ ހަމަހަމަ ކުރިއެވެ. މި ގޯލު ބާސާއަށް ޖަހައިދީފައިވަނީ ތަޖުރިބާކާރު ފޯވާޑު ރޮބާޓް ލެވަންޑޯސްކީ އެވެ.
ދެވަނަ ހާފު ފަށައިގެން 49 ވަނަ މިނެޓުގައި ލިބުނު ޕެނަލްޓީއެއް ކާމިޔާބުކޮށް ލެވަންޑޯސްކީ ވަނީ ބާސެލޯނާއަށް ލީޑު ނަގާދީފައެވެ. މިއީ އާ ކޯޗު ހެންސީ ފްލިކްގެ އިރުޝާދުގެ ދަށުން ބާސެލޯނާ ކުޅުނު ފުރަތަމަ ލީގު މެޗުކަން ފާހަގަކޮއްލެވެއެވެ.
Advertisement
ސްޕެނިޝް ލީގުގައި މިރޭވެސް ފޯރިގަދަ ދެ މެޗް ކުޅެވިގެން ދާނެއެވެ. ފަހުގެ ޗެމްޕިއަން ރިއަލް މެޑްރިޑް މަޔޯކާއާ ދެކޮޅަށް ނިކުންނައިރު ރިއަލް ސޮސައިޑާ ނިކުންނާނީ ވައެކާނޯ އާ ދެކޮޅަށެވެ.
