ހުކުރު ދުވަހު ގިނަ އަދަދެއްގެ މަސްތުވާ ތަކެއްޗާއިއެކު ލ. ގަމުން ހައްޔަރު ކުރި ދެމީހުންގެ ވަނަވަރު ފުލުހުން އާއްމު ކޮށްފި އެވެ.
މި މައްސަލައިގައި ފުލުހުން ހައްޔަރު ކޮށްފައިވަނީ ލ.ގަން، ތުނޑި، ވިލެޖު ޢަހްމަދު ޝުޖާޢު (42އ)އާއި، ލ.ގަން، ތުނޑި، ފަންހިޔަނި ޢަލީ ޝަރީފް (57އ)އެވެ.
ކޯޓު އަމުރެއްގެ ދަށުން އެ ގޭގައި މަސްތުވާ ތަކެތި ގެންގުޅޭ ކަމުގެ މައުލޫމާތު ފުލުހުންނަށް ލިބުމުން ފުލުހުން ވަނީ އެގެ ބަލާ ފާސްކޮށްފައެވެ. އެ ގެއިން 24.42ގުރާމުގެ ހެރޮއިން އާއި ބަނގުރާ ކަމަށް ޝައްކުކުރެވޭ ދިޔާ އެއްޗެއް އަޅާފައިހުރި ފަސް ލިޓަރުގެ ފުޅިއަކާއި ބަނގުރާ ހަދާ ކެއްކުމަށް ބޭނުންކުރާ ގިނަ އަދަދެއްގެ ތަކެތި ވަނީ ފެނިފައެވެ.
Advertisement
މި މައްސަލަ ފުލުހުން ދަނީ އިތުރައް ތަހުގީގު ކުރަމުންނެވެ.
