ހޮނިހިރު ދުވަހުގެ ފަތިހު އިސްރާއީލުން ދިން ވައިގެ ހަމަލާއެއްގައި ފަލަސްތީނުގެ އެއް އާއިލާއަކަށް ނިސްބަތްވާ 15 މީހުން ޝަހީދުވެފައި ވާކަމަށް ޣައްޒާގެ ސިވިލް ޑިފެންސް އެޖެންސީން ހާމަކޮށްފިއެވެ.
މި ހަމަލާއަށްފަހު އިޒްރާއީލުން އެއްވެސް މައުލޫމާތެއް ހާމަކޮށްފައި ނުވާއިރު، މި ހަމަލާ އަމާޒުވެފައި ވަނީ މެދުތެރޭ ޣައްޒާގެ އަލް ޒަވައިދާ ސަރަހައްދުގައި ހުރި އަޖްލާ އާއިލާގެ ގެއަށް ކަމަށް ސިވިލް ޑިފެންސްގެ ތަރުޖަމާނު، މަޙްމޫދު ބައްސާލް އޭއެފްޕީއެލްއަށް ދިން މައުލޫމާތުގައި ބުނެފައިވެއެވެ.
މީޑިއާތަކުން ރިޕޯޓުކޮށްފައިވާ ގޮތުގައި މި ހަމަލާ ދީފައިވަނީ ދަންވަރުއެވެ. ތިން ރޮކެޓު ހަމަލާ އެ ގެއަށް އަމާޒުވި ކަމަށާއި، ގޭގައި ގިނަ އަންހެނުންނާއި ކުޑަކުދިން އެވަގުތު ތިބިކަމަށް އަޙްމަދު އަބޫ އަލް ޢޫލް އޭއެފްޕީއަށް ބުނެފައިވެއެވެ.
Advertisement
ފަތިސްވުމަށްފަހު އޭއެފްޕީޓީއިން ނަގާފައިވާ ފޮޓޯތަކުގައި ފުނޑު ފުނޑު ވެފައިވާ ގެތަކުގެ ތެރެއިން ސަލާމަތްކުރާ މީހުން ހަށިގަނޑުތައް ހޯދަމުން ދާތަން ފެނެއެވެ.
10 މަހަށް ދިގުދެމިގެން ގޮސްފައިވާ މި ހަނގުރާމައިގައި ފަލަސްތީނުގެ ބޮޑު ސަރަހައްދަކަށް އިޒްރާއީލުގެ ހަމަލާތައް އަމާޒުވެ، 40 ހާހަށް ވުރެ ގިނަ ބަޔަކު ވަނީ ޝަހީދުވެފައެވެ.
