ހުކުރުދުވަހު އައިކެއާއިން ހުޅުމާލެ ފޭސް 2 ގެ ހިޔާ ޓަވަރު ތަކުގެ އެޗް 1 އަދި އެޗް 2ގެ ކޮމިއުނިޓީ އެޑްމިންއާ ގުޅިގެން ހިލޭ ވިޝަން ސްކުރީނިންގް ޕްރޮގްރާމެއް ވަނީ ކުރިއަށް ގެންގޮސްފައެވެ. މި ކޭންޕު ކުރިއަށް ގެންގޮސްފައި ވަނީ ހިޔާ ޓަވަރު 1ގެ ގުރައުންޑު ފްލޯގައި 16:00ން 20:00 އަށެވެ.
މި ކޭންޕުގައި ބައިވެރިވި ފަރާތްތަކުން ލޮލުގެ ހާއްސަ ޑޮކްޓަރުންނަށް ދައްކާ، ލޮލުގެ ފެނުމާއި، ރެޓިނާއާއި، ލޮލުގެ ކެޓަރެކްޓު އަދި ގްލޮކޯމާ ފަދަ ބަލިތަކަށް ސްކުރީނިންގް ހަދާފައިވެއެވެ.
ހުކުރު ދުވަހު މާލެއަށް ބޯކޮށް ވާރޭ ވެހުމުގެ ސަބަބުން ކޭންޕުގައި ބައިވެރިވުމަށް ރަޖިސްޓަރީ ކޮށްފައިވާ ގިނަ ފަރާތްތަކަށް ނުދެވުނު ނަމަވެސް، އައިކެއާއިން ރިޕޯޓު ކުރި ގޮތުގައި މި ކޭންޕުގައި ބައިވެރިވީ މީހުންގެ އަދަދު ލަފާކުރި މިންވަރަށް ވުރެއް ގިނަ އެވެ.
Advertisement
މިއީ އާއްމު ފަރުދުންނަށް އެހީ ފޯރުކޮށްދިނުމުގެ ގޮތުން އައިކެއާއިން އިސްނަގައިގެން ހުޅުމާލޭގައި ހުންނަ އައިކެއާ ހޮސްޕިޓަލް ޕްރޮމޯޓު ކުރުމުގެ ގޮތުން ހިންގި ކޭންޕެކެވެ.
