ހުޅުމާލޭގެ ސްޕާއެއްގައި މަސައްކަތް ކުރަމުން ދިޔަ މީހަކަށް ކަޓަރުން ހަމަލާ އެމީހާގެ އަތުގައި ހުރި ފައިސާތަކެއް ފޭރިގެންފިއެވެ.
ފުލުހުންގެ އޮފިޝަލަކު ވިދާޅުވީ މިކަން ހިނގާފައިވަނީ ހޮނިހިރު ދުވަހުގެ ހެނދުނުގެ ވަގުތެއްގައި ހުޅުމާލެ ފޭސް އެކެއްގައި ހުންނަ ސްޕާއެއްގައެވެ.
މި ހަމަލާ ގައި ބިދޭސީ އަންހެނަކަށް ކަޓަރަކުން ބިރުދައްކައި ފައިސާ ފޭރިގަނެފައި ވާއިރު، މި މައްސަލައިގައި ޝައްކު ކުރެވޭ މީހަކު ހައްޔަރު ކުރި ކަމެއް ފުލުހުން ހާމައެއް ނުކުރެވެއެވެ.
Advertisement
ރާއްޖޭގެ ވެރިރަށް މާލޭގައި ފާއިތުވި މަސްތަކުގައި ފޭރުމާއި މާރާމާރީގެ މައްސަލަތައް ވަނީ އިތުރުވެފަ އެވެ. މި އަހަރުގެ މިހާތަނަށް ވައްކަމާއި ފޭރުމުގެ 2،620 މައްސަލައާއި މާރާމާރީގެ 425 މައްސަލަ ފުލުހުން ރިޕޯޓު ކޮށްފައިވެއެވެ.
