ގަވައިދާ ހިލާފަށް ޕާކުކޮށްފައި ހުންނަ ކާރުތައް ޓޯވް ކުރުމުގެ ބަދަލުގައި ހުޅުމާލެ ސަރަހައްދަށް ބަދަލުކުރަން 40 ދުވަސް ދޭން ނިންމައިފި ކަމަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ބުނެފިއެވެ.
ބުރާސްފަތި ދުވަހު އެ މިނިސްޓްރީ އިން ބޭއްވި ޕްރެސް ކޮންފަރެންސްގައި މިނިސްޓަރ މުހައްމަދު އަމީން ވަނީ ގަވައިދާ ހިލާފަށް ޕާކުކޮށްފައި ހުންނަ ކާރުތައް 40 ދުވަހުގެ ތެރޭގައި ހުޅުމާލެ ސަރަހައްދަށް ބަދަލުކުރަން އަންގާފައެވެ.
މީގެ އިތުރުން އުޅަނދުތައް ބަދަލުކުރުމުގައި ހަރަކާތްތެރިވާން ޖެހޭނީ އެ އުޅަނދުގެ އަސްލު ވެރިފަރާތް ކަމަށާއި، މިގޮތަށް ކަންތައް ކުރުމުން އުޅަނދުގެ ސަލާމަތީ ކަންތައް އެއުޅަނދެއްގެ ވެރިފަރާތަށް ކަށަވަރު ކުރެވޭނެ ކަމަށްވެސް މިނިސްޓަރ ވިދާޅުވިއެވެ.
Advertisement
މިނިސްޓަރް އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އަލީ ހުސެން ވިދާޅުވީ، ކާރުތައް ޓޯވް ކުރަން 9 ޒޯނެއް ނެގިފައިވާ ކަމަށެވެ. މީގެ ތެރޭގައި އާންމު ސަރަހައްދުތަކާއި، ސްކޫލްތަކާއި މިސްކިތްތަކާއި އަދި އެހެނިހެން އާންމު ސަރަހައްދުތައް ހިމެނެއެވެ.
މީގެ އިތުރުން ވަޒީރު އިހުސާން ވިދާޅުވީ އެކި ޒޯންތަކަށް ރަޖިސްޓްރީ ކޮށްފައިވާ ބައެއް އުޅަނދުތަކާއި ފޯޖް ރެޖިސްޓްރޭޝަން ޕްލޭޓް ޖަހާފައިވާ އުޅަނދުތައް މިހާރުވެސް ކަމާއިބެހޭ ފަރާތްތަކުން ވަނީ ޓޯވް ކޮށްފައެވެ. އަދި މި އުޅަނދުތަކުގެ ވެރި ފަރާތްތަކަށް ކަނޑައެޅިފައިވާ ސަރަހައްދަށް އުޅަނދުތައް ބަދަލުކޮށް، 6 މަސް ދުވަހުގެ ތެރޭގައި އުޅަނދުތައް ރަޖިސްޓްރީ ކުރުމުގެ މަސައްކަތް ކުރިއަށް ގެންދިއުމަށް 40 ދުވަހުގެ މުއްދަތެއް ދިނުމަށް ހަމަޖެހިފައިވާ ކަމަށްވެސް ވަޒީރު ވަނީ ވިދާޅުވެފައެވެ.
މިނިސްޓަރު ވިދާޅުވީ ދެވިފައިވާ ސުންގަޑީގެ ފަހުން މަނާ ސަރަހައްދުތަކުގައި ޕާކުކުރާ އުޅަނދުތައް ޓޯވް ކުރާނެއެވެ.
މިނިސްޓްރީ އިން ކުރިން ރިޕޯޓު ކޮށްފައިވާ ގޮތުގައި އެ މާލެ ސަރަހައްދުގައި ރަޖިސްޓްރީ ކޮށްފައިވާ 80،000 އާއި ގާތް ކުރާ އަދަދަކަށް އުޅަނދު ހިމެނޭ އިރު އޭގެ ތެރެއިން 4،500 އުޅަނދަކީ ކާރުތަކެވެ.
ރައީސް މުޙައްމަދު މުއިއްޒުގެ ކެންޕެއިންގެ ތެރޭގައި މާލެ ސަރަހައްދުގައި ޕާކިންގ މައްސަލަތައް ހައްލުކޮށްދެއްވުމަށް ވަޢުދުވެވަޑައިގެންފައި ވެއެވެ.
