މާލޭ އިމާރާތެއް މަތިން މިއަދު ވެއްޓުނު އަންހެން މީހާ ނިޔާވެއްޖެއެވެ.
އެނގިފައިވާ ގޮތުގައި އެ ހާދިސާ ހިނގާފައިވަނީ މާލޭ ބޮޑުތަކުރުފާނު މަގު، މޯލްޑިވްސް ޕޯޓްސް ލިމިޓެޑް (އެމްޕީއެލް) ކައިރީގައެވެ. އެ ސަރަހައްދުގައި ހުންނަ މ. ހަސޯވާގެ އިމާރާތުގެ 9 ވަނަ ފަންގިފިލާއިން ވެއްޓިފައިވަނީ އަންހެނެކެވެ.
މިހާދިސާއާއި ގުޅިގެން ފުލުހުން ދެންމެ ވިދާޅުވީ، އެ އިމާރާތުގެ މަތިން ވެއްޓުނު މީހާ ނިޔާވެފައިވާ ކަމަށެވެ. އަދި އެ މައްސަލަ މިހާރު ތަހުގީގު ކުރަމުން އަންނަ ކަމަށް ވެސް ފުލުހުން ވިދާޅުވިއެވެ.
Advertisement
ފުލުހުން ވަނީ މިހާދިސާގައި އާއިލާއަށް ލިބިފައިވާ ހިތާމައިގެ މި ދަނޑިވަޅުގައި، އާއިލާގެ އިހުސާސަތްކަށް އިހުތިރާމުކޮށް، ނިޔާވި މީހާގެ ފޮޓޯއާއި ހާދިސާގެ މަންޒަރުތައް މީސްމީޑިއާގެ ވަސީލަތްތަކުގައި ދައުރު ނުކުރުމަށް އިލްތިމާސް ކޮށްފައެވެ.
މިހާދިސާއާއި ގުޅިގެން އެމީހާއަށް ފަރުވާ ދިނުމަށް ގެންދެވިފައިވަނީ އައިޖީއެމްއެޗް ހޮސްޕިޓަލަށެވެ.
