މިހާރު ރާއްޖެއަށް ކުރަމުންދާ ގަދަ ވިއްސާރައިގައި މާލޭގެ މަގުތަކުގައި ފެން ބޮޑުވުމާ ގުޅިގެން ޒަރޫރީ ބޭނުމެއްގައި ނޫނީ ހަތަރު ފުރޮޅުލީ އުޅަނދު ނުދުއްވަން ފުލުހުން އިލްތިމާސްކޮށްފިއެވެ.
ފުލުހުން އާއްމު ކުރި މެސެޖެއްގައި ވިދާޅުވެފައި ވަނީ ބޯކޮށް ވާރޭވެހި މާލޭގެ ބައެއް ގޭގެއަށް ފެން ވަނުމުގެ ހާދިސާތަށް ހިނގަމުން ދާތީ މަގުތަކުން ފެން ހިނދި އާއްމު ހާލަތަށް ރުޖޫއަ ވަންދެން ބަރު އުޅަނދު ނުދުއްވުމަށް އަންގާ ކަމަށެވެ. އަދި ހަތަރު ފުރޮޅުލީ އުޅަނދުވެސް ޒަރޫރީ ބޭނުމެއްގައި ނޫނީ ނުދުއްވުމަށް ފުލުހުންގެ މެސެޖުގައި އަންގާފައި ވެއެވެ،
"މިފަދަ ހާލަތްތަކުގައި ރައްޔިތުންގެ ފަރާތުން ލިބެމުންދާ އެއްބާރުލުމާއި އެހީތެރިކަމަށްޓަކައި އިޙްލާޞްތެރިކަމާއިއެކު ޝުކުރު ދަންނަވަން" ފުލުހުންގެ މެސެުގައި ވެއެވެ.
Advertisement
ވިއްސާރާގައި ފެން ބޮޑުވެ ދުއްވާ އުޅަނދުތަކަށް ވަނީ އުނދަގޫތަކާއި ކުރިމަތިލާން ޖެހިފައި - ފޮޓޯ: ނައުޝަމް ވަހީދު/ޚުލާސާ
ރާއްޖެއަށް މިހާރު ކުރަމުންދާ ވިއްސާރައާ ގުޅިގެން މޫސުމާއި ބެހޭ ގައުމީ އިދާރާއިން ވަނީ މާލޭ ސިޓީގެ އިތުރުން ކ. އަތޮޅުގެ ރަށްތަކަށާއި، ވ. އަތޮޅަށާއި، އއ. އަތޮޅު އަދި އދ. ގެ އަތޮޅުތަކަށް އޮރެންޖު އިންޒާރު ނެރެފައެވެ. މި އިންޒާރު ނެރެފައިވަނީ މިއަދު މެންދުރުފަހު 14:15 އިން އިރުއޮއްސި 18:15 އާ ހަމައަށެވެ. މޫސުމާ ބެހޭ އިދާރާއިން ވިދާޅުވެފައިވަނީ އެ އަތޮޅުތަކަށް ގުގުރުމާއިއެކު ބޯކޮށް ވާރޭވެހި، ފެން ބޮޑުވާނެކަމަށް ލަފާކުރެވޭ ކަމަށެވެ.
