ޣައްޒާއަށް ދިން ސިލްސިލާ ފަނާކުރަނިވި ވައިގެ ހަމަލާތަކުގައި ބުރާސްފަތި ދުވަހުގެ ހެނދުނުން ފެށިގެން ފަލަސްތީނުގެ 56 މީހަކު ޝަހީދުވެ އިތުރު ދިހަވަރަކަށް މީހުން ޒަޚަމްވެފައިވާ ކަމަށް މެޑިކަލް މަސްދަރުތަކާ ހަވާލާދީ އަލްޖަޒީރާއިން ރިޕޯޓްކޮށްފައިވެއެވެ. ހަޅުތާލުތައް ވަރުގަދަވެ، ޣައްޒާގެ ހުރިހާ ސަރަޙައްދުތަކަށް އަމާޒުކޮށްފައިވާއިރު، އޭގެ ތެރޭގައި ސްކޫލްތަކާއި ރެފިއުޖީ ކޭމްޕްތައް ހިމެނޭއިރު، އެތަންތަނުގައި ގެދޮރު ގެއްލިފައިވާ މީހުން ވަނީ ހިޔާވަހިކަން ހޯދާފައެވެ.
އެންމެ ނުރައްކާތެރި އެއް ހަމަލާއަކީ އިރުމަތީ ޣައްޒާ ސިޓީގެ ދެ ސްކޫލެއްގައި ގެދޮރު ގެއްލިފައިވާ އާއިލާތައް ދިރިއުޅެމުން ދިޔައިރު އެތަނަށް ދިން ހަމަލާއެވެ. މި ހަމަލާގައި ޝަހީދުވި މީހުންގެ އަދަދު 18 އަށް އަރާފައިވާއިރު، 30 އަށް ވުރެ ގިނަ މީހުންނަށް އަނިޔާވެފައިވާ ކަމަށް ރިޕޯޓްކޮށްފައިވެ އެވެ. މިހާރު ހިނގަމުންދާ ހަމަނުޖެހުންތަކުގައި ރައްކާތެރިކަން ހޯދުމަށް ސްކޫލްތަކުގައި ތިބި މީހުންނަށްވެސް އެއްވެސް ރައްކާތެރިކަމެއް ނެތެވެ.
Advertisement
ޣައްޒާގެ މެދުތެރޭގައި ހުންނަ ބުރެއިޖް ރެފިއުޖީ ކޭމްޕަށް ބޮޑެތި ގެއްލުންތަކެއް ލިބިފައިވާއިރު، އިއްޔެއިން ފެށިގެން ފެށިގެން 23 މީހުން ވަނީ ޝަހީދުވެފައެވެ. މިތަނަކީ މިހާޜު ޔަހޫދީން އެންމެ ވަރުގަދަޔަށް ހަމަލާ ދެމުންދާ އެއް އަމާޒެވެ.
މީގެ އިތުރުން ޚާން ޔޫނިސް، ނޫސެއިރާތު ރެފިއުޖީ ކޭމްޕާއި، ޣައްޒާ ސިޓީގެ އެކި ތަންތަނުގައި ބޮމުގެ ހަމަލާތައް އިއްޔެއިން ފެށިގެން މިއަދާއި ހަމަޔަށް ރިޕޯޓްކޮށްފައިވެއެވެ. އޭއެފްޕީން ހަވާލާދީފައިވާ ގޮތުގައި މެޑިކްސް އިން ކަށަވަރުކޮށްދީފައިވާ ގޮތުގައި މި ސަރަހައްދުތަކުގެ ބައެއް ގެތަކަށް ގެއްލުން ލިބިފައިވާ ކަމަށާއި އިތުރު ހަތަރު މީހަކު ޝަހީދު ކޮށްލާފައި ވެއެވެ.
އޮކްޓޯބަރު މަހުގެ ހަތް ވަނަ ދުވަހު އިސްރާއީލުން އަސްކަރީ ހަމަލާ ފެށި ފަހުން ޣައްޒާގައި ޝަހީދުވި މީހުންގެ އަދަދު ވަނީ 39،700 އަށް ވުރެ މައްޗަށް އަރާފަ އެވެ.
