ރާއްޖޭގައި ބައިނަލް އަޤްވާމީ ބަންކަރިންގެ ހިދުމަތް މިމަހުގެ 22 ވަނަ ދުވަހު ފެށިގެން ދާނެ ކަމަށް ސަރުކާރުން ބުނެފިއެވެ.
އަލަށް ބަންކަރިންގެ ހިދުމަތް ދޭނީ އޯފްޝޯ ސަރަހައްދުން ކަމަށް އެސްޓީއޯގެ އެމްޑީ ވިދާޅުވިއެވެ. މަޤްޞަދަކީ، ބައިނަލްއަޤްވާމީ ކަނޑުގެ މުޖުތަމަޢަށް މުހިންމު ހިދުމަތެއް ފޯރުކޮށްދީ، ރާއްޖެ ހިމެނޭ ކަނޑުގެ ސަރަހައްދުން ދަތުރުކުރާ ބޯޓުތަކަށް ތެޔޮ އެޅުމުގެ މަސައްކަތް ސްޓްރީމްލައިން ކުރުމެވެ.
Advertisement
ކަނޑުގެ ބަންކަރުގެ ހިދުމަތްތަކުގެ އިތުރުން ޓޭންކް ފެސިލިޓީއެއް ގާއިމް ކުރުމުގެ ޕްލޭންތައް ވެސް ދަނީ ކުރަމުން ކަމަށް އެސްޓީއޯއިން ބުނެއެވެ. މިކަމުގެ ސަބަބުން ބައިނަލްއަޤްވާމީ ބަންކަރިންގގެ ފުރިހަމަ ޚިދުމަތް ފޯރުކޮށްދިނުމުގައި ރާއްޖޭޣެ ޤާބިލުކަން އިތުރަށް ވަރުގަދަވެގެންދާނެއެވެ.
މި ހިދުމަތްތައް ތައާރަފް ކުރުމަކީ، ކަނޑުގެ ސިނާއަތް ފުޅާކޮށް، ދުނިޔޭގެ ޝިޕިން އޮޕަރޭޝަންތަކަށް އެހީތެރިވުމަށް ރާއްޖެއިން ކުރާ މަސައްކަތުގެ މައްޗަށް އަލިއަޅުވާލާ ކަމެކެވެ. އެފިޝަންޓް އަދި އެކްސެސިބަލް ބަންކަރިންގ ޚިދުމަތްތައް ފޯރުކޮށްދީގެން، މި ސަރަޙައްދުގެ މުހިންމު ތެޔޮ ހަބަކަށް ވެ، ބައިނަލްއަޤްވާމީ އިތުރު އުޅަނދުތައް ޝައުޤުވެރިކޮށް، އިޤްތިޞާދު ކުރިއެރުވޭނެއެވެ.
އޮގަސްޓް 22 އިން ފެށިގެން ކަނޑުގެ ބަންކަރިންގެ ހިދުމަތް ތައާރަފް ކޮށް, ކަނޑުގެ ހިދުމަތް އިތުރު ކުރަން ނިންމާފައިވާއިރު، މި އާ ވިޔަފާރިއަށް މަގުފަހިކޮށްދިނުމުގެ ގޮތުން 4،000 ޓަނުގެ ދެ ތެޔޮ ޓޭންކަރު ގެނައުމަކީ ގައުމުގެ ކަނޑުގެ އިންފްރާސްޓްރަކްޗާއަށް ބޮޑު ކުރިއެރުމެއް ލިބޭނެ ކަމެއް ކަމަށް އެސްޓީއޯއިން ބުނެއެވެ.
